Аудиофайл. Двинянинова Мария Тихоновна о мансийском языке Палюм хӯнтамлам о̄выл нēлм, Самум пунсум о̄выл лāтыӈ, Супум ля̄алам кӯпнит лāтыӈ, Кӯпнит, кāминьт, мāньщи нēлм. Аквтоп э̄рыгсовыл нёргалāлы, Ос малтып во̄т рēгыг хоиглāлы. Мāньщи лāтыӈ хӯнлтамлэ̄гум, Хунь мо̄т мирыт халт ё̄мыгтэ̄гум. Аквтоп о̄лнэ мāтемн ёхтыгпēгум, Рӯтанум ос мирум ёт хо̄нтыгпахтэ̄гум. Ам ос та юрщигпахтэ̄гум, нēлум. Мāньщи нēлмыл потыртэ̄гум, Щар туп нēлмум во̄ил во̄йтылтāве, Мāньщи лāтыӈ супын хулигтāве. Товēртн щар ат ля̄лалнэ лāтӈыт Супныл ӯйрищиг та тыламлы, Потрум ущ та сымын щалты, Ёмащакве та торгамтахты, Э̄лаль овын я̄ хосыт та овты. 28.01.2023. Двинянинова М.Т.